Ай, заманлар, заманлар…

Post navigation

Ай, заманлар, заманлар…

Ай, заманлар, заманлар...

Блогерлер (халкъ арасында къарыштырып юрген сачмалар) лаф иле къазан къайнаталар. Къыркъ дереден сув кетирелер ве элекнен сув ташыйляр… Оларнынъ я къазанлары ёкъ эвлеринде, я да сувлары ёкъ чайниклеринде. Языкъ: апакъайляры къыйналый — чайниклер пат эте, элеклери да ёкъ…

Олар якъында тап къувандылар: Ана Топракъ курре (сфера) дегиль экен — чиберекке охшай… Аксне, кучук балачыкълар блогерлерден акъыллы экен: Ана Топракъ пусканынъ (надувной шар) озю.

Блогернинъ тюсу — оппанынъ озю: беттен ве лафазанлыкътан — джумледен акъыллы, сени динълемес, озю-озюнен лаф идер, токътатмасан — саатларнен мий эзер, факъат президентлернен лаф эткенде, — олардан да устюндыр.

Блогер — маргиналлар бир тарафтан тейсирлилер. Эр тарафтан — игренч (отвратительны) — не бет, не тербия, не ибрет: о — мустесна (он — исключительный); сиз анъламассыз, чюнки анъланылгъан адети затен ёкъ. Къыскъа айткъанда — параной къасталыкънен чюрюген алманынъ къуртлары (коротко говоря — черви в гниющем яблоке).

Сон джематкъа не япмакъ керек?.. Къувмагъа?.. Ёкъ, достлар: Сайра, кеклик. Къулакълар сенде. Не аджайып лафазансынъ — сен энди элли дереден сув алып кельген сойы, алелем, деп, къулакъларымызны шиширте веринъ…

Блогер — сачманынъ лафы тыпкъы майлемизнинъ Лафчи Фадиме: агъызы-котю бир къайнар.

Эввельде акъкъайлярымыз бойле маразларны озюлерине затен янаштырмас эдилер. Сёзьну башта урметлилерге бере эдилер. Ай, заманлар, заманлар… Алданылгъан акъкъайляр…

Нурфет Мурахас

Ускут, декабрь 2017 с.

Похожие материалы

Ретроспектива дня