Мий къаттыргъан бир суаль

Post navigation

Мий къаттыргъан бир суаль

Диван-краваттан бир зиялы темеллиннен

озь «отрумны» креслолагъа кечирткен.

Диванда бир вакъытларда, газет къуджакълап къала эди,

диабеттен алсызланып, инсулинден вазгечерди…

Шимди исе, ондан беттер – къошылды башкъа мараз:

де простата, аритмия, эвельден къалгъан мирас.

Бойле къалабалыкълыкъ тарзында, эвге кирди бир наалет.

Онынъ ады заманавий, джумле биле – «интернет».

Нидже беляларны енъген миллет, анълашылды

янъы бир, шийтандан чыкъкъан, вирусларгъа огърады.

Къутулмакънынъ чареси ёкъ – къучакъламастан богъа –

истесенъ тиббий ярдымны сора, я да окъу бир дуа.

Шу наалетке – «интернетке» – тека биз огърамадыкъ.

Коринъ, бутун Дунья ярдым сорай: Эпидемия!!!

Бунынъ иш такъасы буюк — фаджиялардан беттер.

Онъа къаршы дженк къокъусы – олмагъан бир шей.

Эльбет, анълагъансыз: къафада мийинъ олса, —

эпси хайырлыдыр, достлар, файдасы да тапыла.

Амма, башынъ олып мийден джахильдже олса –

Достым, белягъа къалдынъ: къабаатсыз «интернет»!

Шахсий мен озюмны алсам, мышкадан арткъач къоркъам,

сычан къапкъангъа тюшер деп беклей-беклей, къуванам.

…Ах, сычан, вах сычан: «интернете» – бу къайдан?

Кельди чыкъты башыма… Анъламагъа оламам…

Бу белялы чал башкъа — керек эди ми манъа?..

Мий къаттыргъан бир суаль

Нурфет Мурахас, Ускут-Алушта

20.03.18

Похожие материалы

Ретроспектива дня