Сени мен Къырымда, Къазанда таптым…

Post navigation

Сени мен Къырымда, Къазанда таптым…

125 лет тому назад в Карасубазаре (ныне г. Белогорск) родился Бекир Чобан-заде — известный ученый-тюрколог, филолог, поэт, общественно-политический деятель. С 1905 г. Бекир Чобан-заде начал писать стихи, а во время учебы в Турции написал пронзительное «Тувгьан тилим» («Родной язык«).

Сени мен Къырымда, Къазанда таптым...

Тувгъан тилим

Сени мен Къырымда, Къазанда таптым,

Джурегим къайнагъан, ташкъанда таптым…

Джат эльде мугъайып, ачынып джурьгенде,

Умютим, хаялым шай тюшип джурьгенде,

Мойнунъа сарылдым, дертимни айтып,

Бир гузель сёзюнъмен озюме къайтып…

Джырларынъ болмаса, маненъ болмаса,

«Джурт» деген сёзюнъмен джурек толмаса,

Ах, насыл джурермен гъурбет якъларда,

Танышсыз, билишсиз ят сокъакъларда?..

Бильмиймен – тюрюкми, татармы адынъ,

Бек яман татлысынъ, Танърыдан тадынъ.

Тюрюк де, татар да сенинъ сёзлеринъ,

Экиси эки чифт мунълу козьлеринъ…

Вияна огюнде, Къазакъ ичинде

Барабар джырладыкъ Индлерде, Чинде…

Анъласын бир сени, душман да сюер,

Бир джаныкъ сёзюнъмен джуреги иер…

Истиймен озюнъни эр якъта корьмек,

Эр ерде инджинъден дестанлар орьмек…

Къушларгъа, къашкъыргъа уйретсем сени,

Сен болсанъ оксюзнинъ конъюльден сюйгени…

Джамиге, михрапкъа, сарайгъа кирсенъ,

Денъизлер, чёллернинъ четине эрсенъ…

Сенинъмен душмангъа ярлыкълар язсам,

Къарувлы сёзюнъмен конълюни къазсам…

Къабримде мелеклер соргъу сораса,

Азраиль тилимни бинъ кере тораса, –

«Озь тувгъан тилимде айт магъа!» дермен,

Озь тувгъан тилимде джырлап олермен…

Конълюмни къайгъылар кемирип тургъанда,

Халкъымны тынышсыз йылдызы ургъанда,

Тувгъан тиль, – башкъасы акълыма кельмий,

Бир буюк сырымсынъ, душманлар бильмий…

Будапешт,

1918 с. июнь 1

МФ-информ

Похожие материалы

Ретроспектива дня